مركز التحديثات هو المكان اللي بنكتب فيه أي حاجة جديدة بنضيفها لدواك أو بنحسّنها. تلاقيه في الشرح التفاعلي (تحت الرئيسية في القايمة الجانبية)، في تاب التحديثات جنب تاب الشروحات التفاعلية.
إيه اللي بتلاقيه فيه
- التحديثات بالترتيب من الأحدث، وعلى كل واحد نوعه: جديد أو تحسين أو إصلاح، وعليه علامة جديد لو نزل في آخر أسبوعين.
- ملخص وتفاصيل بالعربي أو الإنجليزي حسب لغتك.
- صور من الشاشة الجديدة.
- زرار ابدأ الجولة لو في جولة جاهزة للتحديث: بتفتحلك الشاشة وتوريك خطوة بخطوة.
مين بيشوف إيه
مش كل تحديث بيوصل لكل الصيدليات. كل تحديث بيتحدد له:
| بيتحدد بـ | معناه |
|---|---|
| الباقة | الباقات اللي التحديث ليها (بدون اختيار = كل الباقات) |
| ميزة في الباقة | مثلًا الحضور أو قارئ الرف بالذكاء الاصطناعي |
| صلاحية | الأشخاص اللي معاهم صلاحية الجزء ده من السيستم |
فبتشوف وبيجيلك إشعار بالتحديثات اللي تخص باقتك والأجزاء اللي بتستخدمها بس.
الإشعارات
أول ما ننشر تحديث يوصلك إشعار (في الجرس وعلى الموبايل لو شغّلت التنبيهات). اضغط عليه يفتح لك التحديث نفسه في مركز التحديثات.